وفاقی وزیر قانون و انصاف سینیٹر اعظم نذیر تارڑ نال بین الاقوامی پارلیمنٹرین کانگریس (آئی پی سی) دے وفد دی ملاقات

اسلام آباد۔24اپریل (اے پی پی):وفاقی وزیر قانون و انصاف سینیٹر اعظم نذیر تارڑ نال بین الاقوامی پارلیمنٹرین کانگریس (آئی پی سی) دے وفد ملاقات کیتی ۔ وزارت قانون توں جاری پریس ریلیز موجب وفد آئی پی سی دے صدر عبدالرحیم مایا دی قیادت اچ وفاقی وزیر نال ملاقات کیتی ، وفد اچ سیکرٹری جنرل ستارہ ایاز، اسسٹنٹ سیکرٹری جنرل اجلال علی خان اتے ڈپٹی سپیکر اردن وی شامل ہن۔ ملاقات اچ آئی پی سی دے وفد وزیر قانون کوں تنظیم دے کم اتے مشن بارے ݙسیندے ہوئیں آکھیے جو آئی پی سی ھک عالمی پلیٹ فارم اے جیڑھا عالمی اتے علاقائی چیلنجز نال نبݨݨ سانڳے پوری دنیا توں قومی پارلیماناں دے انفرادی ارکان کوں کٹھا کریندے ۔ وفد آئی پی سی دی انسانی حقوق کمیٹیاں دی تشکیل تے ڳالھ مہاڑ کیتی ۔ وفاقی وزیر اعظم نذیر تارڑ آئی پی سی دی رکنیت ودھاوݨ تے دنیا دے ارکان پارلیمان دے سانجھے ثقافتی تبادلے ودھاوݨ دیاں کوششاں تے انسانی حقوق متعلق اہم مسئلیں کوں حل کرݨ اچ تنظیم دے کردار دی تعریف کیتی ۔ وفاقی وزیر کوں آئی پی سی دے صدر دی طرفوں ایں موقع تے روڈ سیفٹی تے ھک رپورٹ پیش کیتی ڳئی۔

مضمون کا ماخذ : کلیوپیٹرا

متعلقہ مضامین