اسلام آباد۔3اگست (اے پی پی) وزیراعظم محمد شہباز شریف آکھیا جو ملک تے قوم دی تعمیر تے ترقی کیتے اوکھے فیصلے کرݨے پوندن، ماضی اچ وی اساݙی حکومت ختم نہ کیتی ویندی تاں ملکی ترقی دے منصوبے پورے تھی ویندے۔ بھارہ کہو منصوبے نال عوام کوں سہولت ملسی، اڄوکے سپہ سالار ملک دی ترقی اتے عوام دی فلاح و بہبود کیتے کم کریندے پئن۔ ، بھارہ کہو منصوبہ 9 مہینے دے ڳھٹ مد اچ پورا تھیے۔ اے ڳالھیں انہاں خمیس کوں بھارہ کہو بائی پاس منصوبہ دی افتتاحی تقریب توں خطاب کریندیں ہوئیں آکھی۔ تقریب اچ وفاقی وزیر اطلاعات ونشریات مریم اورنگزیب ، سابق وزیر ڈاکٹرطارق فضل چوہدری، مسلم لیگ (ن) دے رہنما حنیف عباسی ، ملک ابرار، انجم عقیل خان، ڈی جی این ایل سی میجر جنرل فرخ، چیئرمین سی ڈی اے نورالامین مینگل دے علاوہ اعلیٰ حکام اتے عوام دی وݙی تعداد موجود ہئی۔ انہاں آکھیا جو اڄ میں مطمئن ہم، پورے ملک اچ گلیات، مری اتے آزاد کشمیر کیتے ٹریفک بھارہ کہو توں ویندی اے جیڑھی گھنٹیاں بلاک رہندی ہئی۔ عوام کیتے ٹریفک دا مسئلہ عذاب ہئی۔ بائی پاس منصوبہ تجارتی منصوبہ کائنا ہئی پر قائد اعظم یونیورسٹی توں زمین ڳھنݨ اچ اوکھ تھئی۔ معاملہ عدالتاں تئیں ڳیا۔ انہاں آکھیا جو ملک تے قوم دی تعمیر تے ترقی کیتے اوکھے فیصلے کرݨے پوندن، ماضی اچ وی اساݙی حکومت ختم نہ کیتی ویندی تاں ملکی ترقی دے منصوبے پورے تھی ویندے۔ ہر اوکھ دے باوجود اے منصوبہ نو مہینے دے ڳھٹ عرصے اچ پورا تھی ڳئے۔ وزیراعظم منصوبہ پورا تھیوݨ تے عوام کوں مبارخ ݙیندیں ہوئیں آکھیا جو اے منصوبہ محمد نوازشریف دا وژن ہئی۔
