پیپلز پارٹی دے دور اچ ٻاہرلے قرضیاں اچ 32 فیصد، مسلم لیگ ن دے دور اچ 56 فیصد ودھارا تھیے، بجٹ اچ قرضیاں تے سود دی ادائیگی کڈھ ݙیوں تاں حکومتی آمدݨ خرچیاں توں ودھ اے، وزیر مملکت اطلاعات تے نشریات فرخ حبیب دا بلاول زرداری دے بیان تے ردعمل

اسلام آباد۔27مئی (اے پی پی) وزیر مملکت برائے اطلاعات تے نشریات فرخ حبیب آکھیا جو پیپلز پارٹی دے دور اچ ٻاہرلے قرضیاں اچ 32 فیصد، مسلم لیگ ن دے دور اچ 56 فیصد ودھارا تھیے، بجٹ اچ قرضیاں تے سود دی ادائیگی کڈھ ݙیوں تاں حکومتی آمدݨ خرچیاں توں ودھ اے۔ اڄوکی حکومت پیپلز پارٹی اتے ن لیگ دے ڳھدے ہئے قرضے واپسی کریندی پئی اے۔ خمیس کوں وزیر مملکت اطلاعات و نشریات فرخ حبیب بلاول زرداری دے بیان تے آپݨے ردعمل اچ آکھیا جو 2008 اچ بیرونی قرضے 46بلین ڈالر ہن جیڑھے جو2013 تئیں ودھ کراہیں 60.09ملین ڈالر تھی ڳئے، پیپلز پارٹی دے دور اچ بیرونی قر:یاں اچ 32 فیصد ودھارا تھیا۔ 2013ء توں 2018 تئیں ملک دے ٻاہرلے قرضے 95.24 بلین ڈالر تھیے۔ مسلم لیگ ن دے دور اچ ٻاہرلے قرضیں اچ 56 فیصد ودھارا تھیا۔ اڄوکی حکومت مارچ 2021 تئیں مجموعی قرضیاں دا 21 فیصد قرضہ ڳھدے۔

مضمون کا ماخذ : میگا ملینز کے نمبر

متعلقہ مضامین