اسلام آباد۔6 جنوری(اے پی پی)وفاقی سیکرٹری اطلاعات و نشریات عنبرین جان اتے پاکستان اچ بنگلہ دیش دے ہائی کمشنر اقبال حسین خان اسلام آباد اچ وزارت اطلاعات و نشریات دے دفتر اچ ملین۔ انہاں پاکستان اتے بنگلہ دیش وچال میڈیا تعاون اتے عوامی سطح تے روابط ودھاوݨ دے طریقیاں تے الائے۔ فریقین مشترکہ تاریخی بیانیے اتے ثقافتی اقدار ودھاوݨ سانڳے بہتر شراکت داری تے زور ݙیندے باہمی افہام و تفہیم ودھاوݨ تے ڳآلھ مہاڑ کیتی۔ وفاقی سیکرٹری اطلاعات عنبرین جان آکھیے جو پاکستان اتے بنگلہ دیش دے تکڑے سفارتی و ثقافتی تعلقات ہین، ݙوہیں ملک مختلف شعبیاں اچ ہتھ ونڈیندن۔ انہاں پاکستان ٹیلی ویژن کارپوریشن، ایسوسی ایٹڈ پریس آف پاکستان اتے ریڈیو پاکستان سودھا ریاستی میڈیا اداریاں دے اپݨے بنگلہ دیشی ہم منصب اداریاں نال مشترکہ پروڈکشن اتے خبروں دے تبادلے دے شعبیاں ڳانݙھے تے زور ݙتے جو صحافیاں دے تبادلے دا پروگرام پاکستان اتے بنگلہ دیش دے میڈیا پرسنز کوں مختلف معاملات تے ہک ٻئے دا موقف اتے بیانیہ سمڄھݨ اچ مدد ݙیسی۔ بنگلہ دیش دے ہائی کمشنر اقبال حسین خان ݙوطرفہ کثیر الجہتی تعاون دی حوصلہ افزائی کیتے حکومت پاکستان دے اقدامات دی تعریف کیتی اتے مشترکہ تعاون دے پروگراماں نال رابطے ودھاوݨ تے زور ݙتے۔ فریقین بنگلہ دیشی کیبل نیٹ ورکس تے پاکستانی خبراں اتے تفریحی چینلز دی دستیابی ودھاوݨ اتے فلم فیسٹیول و فوٹو گرافی نمائشاں کراوݨ تے وی الایا۔
.jpg)
