غیر ملکی سرمایہ کاری دے ودھارے تے خاص طور تے سی پیک دے تحت بنڑنڑ آلے خصوصی اقتصادی زونز اچ سرمایہ کاری دے خواہشمنداں کوں ہر طرح دی مدد اتےسہولت ڈتی ویسی، مخدوم شاہ محمود قریشی

لاہور/اسلام آباد ۔ 17 مئی (اے پی پی) وزیر خارجہ امور مخدوم شاہ محمود قریشی پاکستان تحریک انصاف دی حکومت دے ایں عزم دا اعادہ کیتے جو غیر ملکی سرمایہ کاری دے ودھارے تے خاص طور تے سی پیک دے تحت بنڑنڑ آلی خصوصی اقتصادی زونز اچ سرمایہ کاری دے خواہشمنداں کوں ہرطرح دی مدد تے سہولت ڈتی ویسی ۔ہک پریس ریلیز دے مطابق اے گال انہاں اتوار کوں چیئرمین فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی (فیڈمک) میاں کاشف اشفاق نال ملاقات کریندے ہوئیں آکھی اے ۔ایں موقع تے فیڈمک دے چیف آپریٹنگ آفیسر محمد عامر سلیمی اتے بئے سینئر افسران اتے ماہرین وی موجود ہن ۔ شاہ محمود قریشی آکھیے جو غیر ملکی سرمایہ کاراں کیتے توانائی ، زراعت ، صحت ، تعلیم اتے تعمیراتی شعبیں اچ پاکستان اچ سرمایہ کاری دے بہوں سارے موقع موجود ہن ۔ حکومت کورونا وائرس وباءدے بعد دی صورتحال دے تناظر اچ ہک جامع حکمت عملی دی منصوبہ بندی کریندی پئی اے تے ٹریڈ ڈپلومیسی دے تحت سفارت خانیں دے ذریعے دنیا کوں پاکستان اچ غیر ملکی سرمایہ کاراں کیتے دستیاب منافع بخش کاروباری موقع بارے ڈساونڑ کیتے مہم شروع کیتی ویسی ۔

مضمون کا ماخذ : اسکریچ کارڈ کے نتائج

متعلقہ مضامین