اسلام آباد۔11جون (اے پی پی) وفاقی وزیر اطلاعات، نشریات، قومی ورثہ تے ثقافت عطاء اللہ تارڑ آکھیا جو پاکستان ہک ذمہ وار نیوکلیئر ملک اے، سارے ہمسایاں نال امن چاہندوں، امن دے بغیر م??اش?? استحکام اتے ترقی نی تھی سڳدی۔ اساں امن چاہندوں اتے ملکی ترقی کیتے کم کرݨ تے یقین رکھیندوں۔ اے ڳالھ انہاں منگل کوں مقامی ہوٹل اچ قومی سلامتی اتے خارجہ پالیسی دی رپورٹ دے اجراء دی تقریب توں خطاب کریندیں ہوئیں آکھی۔ انہاں آکھیا جو حکومت دے گزریل ݙو مہینے دے عرصے اچ خارجہ پالیسی اساݙی پہلی ترجیح رہی اے۔ وفاقی وزیر آکھیا جو ہݨیں ای پاکستان 182 ووٹ ڳھن تے اقوام متحدہ دی سلامتی کونسل دا رکن چݨیا ڳئے جیڑھا جو اساݙی خارجہ پالیسی دی وݙی جت اے۔ انہاں آکھیا جو اساݙی ایران نال سرحداں جڑی پئن، تجارت سودھے ٻئے اہم شعبیاں اچ وی ایران نال تعل??ات ہن، ایران اسرائیل کشمکش اچ ایران دے مرحوم صدر پاکستان آئے، اڄوکے سک??ورٹی اتے جیوپولیٹیکل صورتحال اچ اے ٻہوں وݙی جت ہئی جو ایران دے مرحوم صدر پاکستان نال تجارتی حجم کوں 10 ارب ڈالر تئیں ڳھن ونجݨ دا اعلان کیتا۔ انہاں آکھیا جو 2014 اچ جݙاں سی پیک شروع تھیا تاں چین دے صدر 64 ارب ڈالر دی سرمایہ کاری دی ڳالھ کیتی۔ وزیراعظم شہباز شریف ہک نویں عزم نال چین ڳئے، ایں دورے دا مقصد سی پیک دے ݙوجھے مرحلے دی شروعات ہئی۔ انہاں آکھیا جو دورہ چین اچ گوادر پورٹ سودھے سک??ورٹی دے ٻئے مسئلیاں تے وی ڳالھ تھئی، وزیراعظم سک??ورٹی ??ار?? یقن ݙوایا جو چائنیز شہریاں اتے ورکرز دی سک??ورٹی کوں او ذاتی طور یقینی ٻݨیسن۔ انہاں آکھیا جو سرمایہ کاری کوں راغب کرݨ اچ ایس آئی ایف سی دا ٻہوں وݙا کردار اے، سارے ادارے، منسٹریز اتے ڈویژنز ہک چھت تلوں آڳئی اے اتے سرمایہ کاراں کوں ون ونڈو سہولت ݙتی ویندی پئی اے۔ وفاقی وزیر اطلاعات آکھیا جو اساں ہمسایاں نال امن تعل??ات چاہندوں، اساݙی پالیسی کارو??ار?? سوکھ دی حوصلہ افزائی کرݨ اے تانجو سرمایہ کاری اتے تجارت ودھے اتے اساݙے لوک ایں توں فیدہ چاون۔ وفاقی وزیر آکھیاجو تھنک ٹینکس ملکی خدمت اچ آپݨا کردار ادا کرن اتے حکومت کوں رہنمائی ݙیون۔
.jpg)
