ایں ویلھے پاکستان دے امریکہ نال چنگے تعلقات ہن،ڈوہیں ملکاں افغان مسئلے تے ہکوجیہا موقف اے ،وزیراعظم عمران خان دا امریکی تھنک ٹینک ” انسٹی ٹیوٹ آف پیس“ اچ خطاب
APP54-23
WASHINGTON: July 23 - Prime Minister Imran Khan addressing at US Institute of Peace on Tuesday. APP
واشنگٹن ۔ ۔ 23 جولائی (اے پی پی)وزیراعظم عمران خان آکھیا جو ایں ویلھے پاکستان دے امریکہ نال چنگے تعلقات ہن،ڈوہیں ملکاں افغان مسئلے تے ہکوجیہا موقف اے،اساڈی حکومت دی ترجیح سارے ہمسائیں نال چنگے تعلقات بنڑاونڑ اے،حکومت سنبھالنڑ دے بعد بھارت کوں مذاکرات دی پیش کش کیتی،پاکستان اتے بھارت اچ بنیادی وجہ ک??می?? دا تنازعہ اے،خطے دی ترقی سانگے امن بہوں ضروری اے،افغانستان اچ امن سانگے تعاون کریندے پیوں،سابقہ حکمراناں دی کرپشن پاروں ملک دیوالیہ تھیونڑ دے نیڑے ہئی،میڈیا مقابلہ انہاں نال ہئی جنہاں کوں سپریم کورٹ سسلین مافیا قرار ڈتا۔او منگل کوں امریکی تھنک ٹینک ” انسٹی ٹیوٹ آف پیس“ اچ خطاب کریندے پے ہن۔وزیراعظم آکھیا جو میں آزاد ملک اچ پیدا تھیونڑ ??لی پہلی نسل اچوں آں،اساڈے والدین نوآبادیاتی نظام دے دور اچ جمیے ہن۔انہاں آکھیا جو پاکستان سٹھ دے ڈھاکے اچ تکھے ترقی کیتی،70دے بعد پاکستان دے حالات خراب تھیونڑ شروع تھی گئے ۔وزیراعظم اپنڑی جد??جہد بارے شرکاءکوں ڈسیا جو سپورٹس دے بعد میں سماجی کم شروع کیتا،کرکٹ توں ریٹائرمنٹ دے بعد کینسر دا ہسپتال بنڑایا،بعد اچ احساس تھیا جو صرف سماجی کماں نال ملک دے حالات نی بدل سگدے،ملک دے حالات بدلنڑ سانگے سیاست اچ آونڑ ضروری اے،،اساڈے ملک دی تنزلی دی بنیادی وجہ بے ایمانی اے،حکمران طبقے دی کرپشن ملک کوں ساریاں توں ودھ زیان کیتے،میں پندرہ سال تئیں کرپشن دے خلاف جد??جہد کیتی اے۔وزیراعظم آکھیا جو ،اساڈی حکومت دی ترجیح سارے ہمسائیں نال چنگے تعلقات بنڑاونڑ اے،حکومت سنبھالنڑ دے بعد بھارت کوں مذاکرات دی پیش کش کیتی،پاکستان اتے بھارت اچ بنیادی وجہ ک??می?? دا تنازعہ اے،ڈو جھا ہمسایہ افغانستان اے اساں اشرف غنی کوں پاکستان سڈیا۔انہاں آکھیا جو امریکی صدرٹرمپ نال ملاقات توں پہلے میکوں بہوں تجویزاں ڈتیاں گیاں،امریکی صدر نال ملاقات نال چنگ?? تجربہ رہیے،جینویں امریکی صدر اساڈی مزمان نوازی کیتی اے او تعریف دے قابل اے۔انہاں آکھیا جو سیاسی محاذ تے میکوں محسوس تھیا جو میں سیاسی جماعتاں دی بجائے مافیا نال لڑدا پیاں،سپریم کورٹ وی سابق حکمران کوں سیسلین مافیا آکھ چکی اے،میکوں پاکستانی نینگراں دی پوری حمایت اے۔
