اسلام آباد۔26جولائی(اے پی پی)وفاقی وزیر امور کشمیر، گلگت بلتستان و سیفران انجینئر امیر مقام آکھیے جو امن کیتے ریاست دی رٹ قائم کرݨی ہوسی، کوئی آپریشن نئیں تھیندا پیا، کارروائی خفیہ اطلاعات تے کیتی ویسی، فوج کوں ہر ویلھے متنازعہ ٻݨآوݨ توں بچݨا چاہیدے، فوج صوبائی حکومت دی ریکوزیشن تے ہی آئی اے۔ وفاقی وزیر اطلاعات و نشریات عطاء اللہ تارڑ نال پریس کانفرنس کریندے انہاں آکھیے جو وزیراعلی ڄیڑھی تقریری کیتی اے او انہاں دی مجبوری اے جو انہاں اڈیالہ آلے کوں وی ولدا ݙیوݨا ہوسی، سکیورٹی بارے کڄھ لوک غیر ضروری بیان بازی کریندن، دہشتگردی دے خلاف کارروائی بارے ایپکس کمیٹی اچ واضح ڳالھ تھئی ہئی کو کوئی آپریشن نئیں تھیندا پیا، قانون نافذ کرݨ آلے ادارے امن یقینی ٻݨیسن، دہشت گرداں دے خلاف خفیہ اطلاعات تے سکیورٹی فورسز آپریشنز کریندان پن، پہلی کارروائی پولیس کریسی، اوندے بعد ایف سی اتے ول لوڑھ پئی تاں فوج توں وی مدد ڳھدی ویسی، ایندے اچ کوئی نویں ڳالھ کائنی، نیشنل ایکشن پلان اچ وی ایندے مطابق عمل تھیا ہا۔ انہاں آکھیا جو امن و امان تے سیاست کرݨ اتے قوم کوں گمراہ کرݨ دی کوشش نا کیتی ونڄے، فوج ہمیشہ صوبائی حکومت دی ریکوزیشن تے آئی، فوج کوں ہر ویلھے متنازعہ ٻݨاوݨ دی کوشش نہ کیتی ونڄے، امن ومان اتے لوکاں دے جان و مال دی حفاظت صوبائی حکومت دی ذمہ داری اے، تاجراں دے امن مارچ کوں سیاسی مقاصد کیتے استعمال کرݨ کوئی خدمت نئیں۔، ڄیکر لوکاں دی جان و مال دی حفاظت کتیے اطلاعات تے آپریشن نہ تھیا تاں ایندا کیا حل ہوسی؟ امن کیتے اساں اڳین آلی کار اڳو تے وی صف اول اچ رہسوں۔
.jpg)