کوئٹہ،نائب وزیر اعظم اسحاق ڈار اتے وزیر اعلیٰ بلوچستان میر سرفراز بگٹی دی ملاقات ،امن و امان سودھے بئے معالیاں تے ڳالھ مہاڑ کیتی ڳئی

کوئٹہ۔ 14 اگست (اے پی پی) نائب وزیراعظم تے وزیر خارجہ محمد اسحاق ڈار اتے وزیر اعلیٰ بلوچستان میر سرفراز بگٹی وچال بدھ کوں وزیر اعلیٰ سیکرٹریٹ اچ ملاقات تھئی، سپیکر قومی اسمبلی سردار ایاز صادق اتے وفاقی وزیر تجارت جام کمال وی ایں موقع تے موجود ہن۔ ݙوہیں رہنماواں ملاقات اچ بلوچستان اچ جاری ترقیاتی منصوبے، امن و امان اتے سماجی ترقی بارے ڳالھ مہاڑ کیتی۔ نائب وزیر اعظم امن و امان دی بحالی کیتے صوبائی حکومت دے اقدامات تے اطمینان کریندیں ہوئیں وفاقی حکومت ولوں پورے تعاون دا یقین ݙوایا۔ انہاں صوبے دے وفاقی ترقیاتی منصوبیاں دے فنڈز دے ویلھے تے اجرا کیتے متعلقہ اداریاں کوں ہدایت کیتی اتے یقین ݙوایا جو بلوچستان کوں ٻئے صوبیاں دے برابر ترقی دے دھارے اچ ڳھن آوݨ کیتے سنجیدہ ہن۔ وزیر اعظم محمد شہباز شریف اتے وفاقی حکومت کوں بلوچستان دی ترقی نال لگاؤ اتے عوام نال محبت اے۔ ملاقات اچ وزیر اعلیٰ میر سرفراز بگٹی نیک خواہشات اتے صوبے دی ترقی دے پکے عزم تے نائب وزیر اعظم محمد اسحاق ڈار دا شکریہ ادا کریندیں ہوئیں آکھیا جو بلوچستان حکومت عام بندے دا معیار زندگی اُچا کرݨ کیتے کم کریندی پئی اے۔

مضمون کا ماخذ : پاکستان لاٹری نمبر

متعلقہ مضامین