اسلام آباد۔14جولائی(اے پی پی):وزیرِ اعظم محمد شہباز شریف اڄ اسلام آباد اچ نیشنل یونیورسٹی آف ٹیکنالوجی دے مرکزی کیمپس اتےچشمہ۔5 نیوکلئیر پاور پلانٹ دامنڈھ ٻدھیسن ۔ وزیر اعظم آفس دے میڈیا ونگ توں جاری بیان موجب اے کیمپس تعمیر توں بعد پاکستان اچ ٹیکنیکل اتے صنعتی تعلیم ودھاوݨ اچ چنڳاں کردار نبھیسی ۔ایں ویلھے نیوٹیک یونیورسٹی دے تحت جدید علم اچ 7 گریجویٹ پروگرام کروائے ویندے پئن۔ اڄوکے سال یونیورسٹی مزید گریجویٹ تے ماسٹرز پروگرامز شروع کریسی ۔ وزیرِ اعظم اڄ یوتھ سکل ڈویلپمنٹ پروگرام دا وی آغاز کریسوں ۔ پروگرام دے تحت پاکستان دے نینگراں کوں بین الاقوامی سطح تے افرادی قوت نال مقابلے کیتے تیار کیتا ویسی ، ایں مقصد کیتے انہاں کوں صنعتاں دی طلب دے مطابق جدید ہنر سکھائے ویسن ۔ این اے وی ٹی ٹی سی اپݨے مقامی و بین الاقوامی شراکت داراں دے تعاون نال 2023 توں 2027 تئیں 19.33 ارب روپے دی لاگت نال 2 لکھ 84 ہزار توں ودھ نینگراں کوں جدید مسابقتی ہنر اچ پیشہ ورانہ تربیت ݙیسی ۔ اے پروگرام نینگراں کوں نہ صرف مقامی بلکہ بین الاقوامی سطح تے روزگار گھنݨ اچ معاون ثابت تھیسی ۔وزیرِ اعظم ایں موقع تے تقریب توں خطاب وی کریسن ۔ وزیرِ اعظم محمد شہباز شریف اڄ چشمہ۔5 نیوکلئیر پاور پلانٹ دا منڈھ ٻدھیسن۔وزیرِ اعظم محمد شہباز شریف دی خصوصی دلچسپی اتے کوششاں دے نتیجے اچ چشمہ نیوکلئیر پاور پلانٹ یونٹ۔ 5 دی نہ صرف لاڳت اچ کمی کیتی ڳئی بلکہ ایندی استعداد کوں 1100 میگاواٹ توں ودھا تے 1200 میگاواٹ کرݙتا ڳئے ۔چشمہ۔5 جسیں دے معاہدے تے 2017 اچ دستخط تھئن ، گزریل 5 سال التوا دا شکار رہیا۔ وزیرِ اعظم محمد شہباز شریف دے ملک اچ گھٹ لاڳت اتے ماحول دوست بجلی دے وژن دے تحت ایں منصوبے تے کم کوں ول شروع کیتا ویندا پئے ۔وزیرِ اعظم ایں موقع تے تقریب توں خطاب وی کریسن ۔
.jpg)
