او آئی سی دے سیکرٹری جنرل حسین ابراہیم طٰحہ اسلام آباد ائرپورٹ توں واپس روانہ، کانفرنس دے کامیاب انعقاد تے پاکستان دے عوام اتے حکومت دا شکر یہ ادا کیتے

اسلام آباد۔20دسمبر (اے پی پی):اسلامی تعاون تنظیم (او آئی سی ) دے سیکرٹری جنرل حسین ابراہیم طٰحہ اسلام آباد ائرپورٹ توں روانہ تھی ڳئن ، کانفرنس دے کامیاب انعقاد تے پاکستان دے عوام اتے حکومت دا شکر یہ ادا کیتے۔وزیر مملکت اطلاعات فرخ حبیب اتے وزیرمملکت پارلیمانی امور علی محمد خان مہماناں کوں الوداع کیتے۔ انڈونیشیا، اردن،کرغستان ،قازقستان، بنگلہ دیش اتے سیرالیون دے وفد وی روانہ تھی ڳئں۔ او آئی سی دے سیکرٹری جنرل روانگی توں پہلے میڈیا نال ڳال مہاڑ کریندے ہوئیں آکھیے جو کانفرنس دے کامیاب انعقاد تے پاکستان دے عوام اتے حکومت دا شکر گزار ہاں۔ انہاں آکھیے جو کل دی کانفرنس کامیاب رہی جیڑھی وج ھک خوش آئند ڳال اے ۔سیکرٹری جنرل او آئی سی آکھیے جو اجلاس توں خطے بالخصوص افغانستان اچ انسانی صورت حال اچ بہتری آسی ،او آئی سی اجلاس اچ فیصلہ کیتا ڳئے جو افغانستان کیتے نمائندہ خصوصی تعینات کیتا ونڄے اتے کل نمائندہ خصوصی افغان وفد نال وی ملاقات کیتی اے انہاں آکھیے جو اجلاس دی ھک ٻئی کامیابی افغانستان دے لوکاں کیتے فنڈ دا قیام اے۔ وزیر مملکت اطلاعات و نشریات فرخ حبیب آکھیے جو پاکستان آمد تے سیکرٹری جنرل او آئی سی دے شکرگزار ہیسے

مضمون کا ماخذ : loteria Ceará

متعلقہ مضامین