لاہور۔21 نومبر(اے پی پی )پاکستان توں دہشت گردی دے ناسور کوں مکاونڑ اچ انسداد دہشت گردی دا کردار اہم رہیے۔ اے عدالتاں بیاں عام عدالتاںتوں مختلف ہن ،انہاں عدالتاں اچ سپیڈی جسٹس دا بہوں سارا خیال رکھنڑ ضروری اے ،کیوں جو کجھ مقدمیں دا ہک ڈینھ اچ چالان پیش کرتے ایں ڈینھ ٹرائل وی مکمل کرنڑ ضروری ہوندے ۔اے گال چیف جسٹس لاہور ہائیکورٹ جسٹس سردار محمد شمیم خان پنجاب جوڈیشل اکیڈمی اچ انسدادِ دہشت گردی عدالتاں اتے چائلڈ جسٹس دے موضوع تے ترائے ڈینھ دیاں ڈو مختلف ورکشاپاں دے افتتاحی سیشن نال خطاب کریندے ہوئیں آکھی اے ۔انہاں آکھیا جو بئے فوجداری مقدمیں اچ وی سپیڈی جسٹس دے خواب کوں پورا کرنڑ کیتے چیف جسٹس آف پاکستان سردار محمد آصف سعید خان کھوسہ دے ویژن دے مطابق کریمینل ماڈل کورٹس بنڑائیاں گن جیرھیاں اساڈی توقع دے مطابق وختی تے معیاری انصاف ڈیندیاں پن ۔انہاں آکھیے جو بیاں عدالتاں دے ججاں کوں وی ماڈل کورٹس دے ججاں دی تقلید کرنڑیں چاہیدی اے تے مقدمیں اچ غیر ضروری التوا دی بجئاے وختی انصاف ڈیونڑاں چاہیدے ۔انہاں چائلڈ جسٹس دے حوالے نال آکھیا جو پنجاب جوڈیشل اکیڈمی اچ ہکے ہفتے اچ چائلڈ جسٹس دے موضوع تے اے ڈوجھی تربیتی ورکشاپ منعقد کیتی ویندی پئی اے ،ہک اہم موضوع تے جوڈیشل افسراں دی تربیت ایں وقت دا اہم تقاضا اے ۔
.jpg)
