اسلام آباد۔30جنوری (اے پی پی) نگران وزیراعظم انوار الحق کاکڑ آکھیا جو آئین دے تحت فوجداری نظام انصاف اچ بئی اصلاحات کیتے قانون سازی دا اختیار صرف پارلیمان دا اے۔نجی ٹی وی چینلز ایک نیوز دے مارننگ شو اچ ڳالھ مہاڑ کریندیں ہوئیں انہاں آکھیا جو اڄوکا فوجداری ںظام دے تحت سزائیں دی شرح ٻہوں ڳھٹ اے جیڑھی جو خامیاں کوں نشابر کریندی اے اتے موثر قانون سازی نال انہاں خامیاں کوں دور کرݨ کیتے کوششاں کیتی ونڄ سڳدن۔ بلوچستان اچ دہشت گرد گروپاں دی موجودگی بارے ہک سوال دے ولدے اچ انہاں آکھیا جو نان سٹیٹ ایکٹرزکوں تشدد دا حق نئی اتے ریاست دی ذمہ واری اے جو او ایجھے دہشت گرد عناصر دا قلع قمع کرے۔ انہاں آکھیا جو ملک اچ نوے ہزار لوک دہشت گردی دا نشانہ ٻݨین۔ اے سیاسی جماعتاں اتے پارلیمینٹیرینز دی ذمہ واری اے جو اہ فوجداری نظام انصاف کوں بہتر ٻݨاوݨ کیتے آپݨی ذمہ واری نبھاون۔ انہاں آکھیا جو بلوچستان اچ پشتون، بلوچ اتے مختلف آبادکارکئی ݙھاکیاں توں رہندے پئن۔ کہیں سیاسی جماعت دا ہک ایجھا گروپ نی جڈانجو ہک اقلیتی مسلح گروپ تے تشدد سرگرمیاں اچ ملوث اے۔ امریکا ، برطانیہ ، یورپی یونین اتے ٻئے جمہوری ملکاں ایجھے گروپاں کوں دہشت گرد قرار ݙتے۔ نگران وزیراعظم آکھیا جو میݙے نیڑے کالعدم ٹی ٹی پی ، احرار اتے بی ایل اے یابی ایل ایف وچال کوئی فرق کائنی۔ اے دہشت گرد گروپ تشدد کوں دہشت کھںڈاوݨ اتے معصوم لوکاں دے قتل کیتے ہک ہتھیار دے طور استعمال کریندن۔ انہاں دے دہشت گرد حملیاں اچ 2018 توں ہݨ تئیں صوبے اچ 1038 بندے شہید تھی ڳئن۔ کوسٹل ہائی وے اتے تربیت پولیس سٹیشن تے حملیاں اچ معصوم لوک ماریے ڳئن۔
