اسلام آباد۔8اگست (اے پی پی) وفاقی وزیر اطلاعات و نشریات مریم اورنگزیب آکھیے ورکنگ جرنلسٹس اتے فنکاراں کیتے ہیلتھ کارڈ دا اجرا وزیراعظم شہباز شریف دے وژن دی تکمیل اے۔ او اتھاں صحافیاں اتے فنکاراں کیتے ہیلتھ کارڈ تے وزارت قانون دی طرفوں پاکستان کوڈ، ڈیجیٹل ریپازیٹری آف فیڈرل لاز موبائل ایپلی کیشن اتے ویب پورٹل دے اجرا دی تقریب توں خطاب کریندیاں پیاں ہن ۔ تقریب اچ وزیراعظم شہباز شریف، وزیر قانون اعظم نذیر تارڑ، وزیراعظم دے کوآرڈینیٹر معیشت و توانائی بلال اظہر کیانی، رکن قومی اسمبلی مہناز عزیز سودھے سیکریٹری اطلاعات، پرنسپل انفارمیشن آفیسر اتے صحافیاں تے فنکاراں دی وݙی تعداد شرکت کیتی ۔ وفاقی وزیر اطلاعات آکھیے اڄ اہم تے تاریخی ݙینھ اے جݙاں جو وزیراعظم دی ہدایت تے ورکنگ جرنلسٹس اتے فنکاراں کیتے ہیلتھ کارڈ جاری کیتا ویندا پئے ۔ انہاں آکھیے ھک ہفتہ پہلے وزارت اطلاعات اتے اسٹیٹ لائف وچال ہیلتھ انشورنس کیتے مفاہمت دی یادداشت تے دستخطاں دی تقریب تھئی جیں اچ وزیراعظم شہباز شریف وی شریک تھئے ہن ، اڄ ایں ہیلتھ انشورنس دا باضابطہ اجرا تھئے ۔ انہاں آکھیے وزیراعظم شہباز شریف دا بحیثیت اپوزیشن لیڈر جیڑھا وژن ہئی، اڄ ایں تے عمل درآمد کیتا ویندا پئے ۔ وفاقی وزیر اطلاعات آکھیے وزارت قانون سارے فیڈرل قوانین کوں ایپلی کیشن اتے ویب پورٹل دی صورت اچ پاکستان دے عوام سانڳے تیار کیتے جیں تے وزارت قانون کوں مبارخ ݙیندوں ۔ وفاقی وزیر اطلاعات صحافیاں اتے فنکاراں کیتے ہیلتھ کارڈ ݙیوݨ اچ بہترین کوششاں تے وفاقی سیکریٹری اطلاعات اتے پرنسپل انفارمیشن آفیسر دا شکریہ ادا کیتے۔
