اسلام آباد۔4فروری(اے پی پی) نگران وزیرِ اعظم انوار الحق کاکڑ آکھیے 5 فروری کوں کشمیری بھیݨ بھراویں دی حقِ خود ارادیت گھنݨ سانڳے جدوجہد دی غیر متزلزل حمایت دے اظہار سانڳے یومِ یکجہتی کشمیر بھرپور انداز اچ منایا ویندا پئے ،پاکستان دا ہمیشہ توں ایہو مؤقف اے جو مسئ??ہ جموں و کشمیر??ا حل اقوام متحدہ دی قرارداداں اتے کشمیریاں دی امنگاں موجب ہی ممکن اے ۔ پاکستان اپݨے کشمیری بھیݨ بھراویں دی مکم?? اخلاقی، سفارتی اتے سیاسی حمایت جاری رکھیسی ۔وزیر اعظم آفس دے میڈیا ونگ توں جاری بیان موجب یوم یکجہتیِ کشمیردے موقع تے سنھیے اچ نگران وزیراعظم انوارالحق کاکڑآکھیے ہر سال وانڳوں اڄ وی کشمیری بھیݨ بھراویں دی حقِ خود ارادیت گھنݨ سانڳے جدوجہد دی غیر متزلزل حمایت دے اظہار سانڳے یومِ یکجہتی کشمیر منایا ویندا پئے۔ اڄ دے ݙینھ اساں گزریل 76 سالاں اچ اپݨے کشمیری بھیݨ بھراویں دی لازوال قربانیاں کوں وی خراج عقیدت پیش کریندوں ۔انہاں آکھیے اقوام متحدہ دی سلامتی کونسل دی قرارداداں موجب مسئلہ کشمیر دا ھکو تے حتمی حل صرف اتے صرف کشمیریاں دی امنگاں دے مطابق جمہوری طریقے نال اقوام متحدہ دے تحت منعقدہ غیر جانبدار تے آزادانہ استصواب رائے نال کیتا ویسی ۔ جݙاں جو گزریل 76 سالاں توں بھارت غیر قانونی طور تے بھارت دے زیر تسلط جموں و کشمیر دے لوکاں کوں ݙراوݨ تے انہاں کوں دٻاوݨ دی مذموم مہم چلائی ہوئی اے ۔نگران وزیر اعظم آکھیے غیر قانونی طور تےبھارت دے زیر تسلط جموں و کشمیراچ اتھاں دے نہتے و نشوم لوکاں کوں اوکھے ہتھاں ن??ل دٻاوݨ دی کوششاں اچ بھارت ماورائے عدالت قتل، غیر قانونی حراست، اتے زیرِ حراست تشدد جیہے ہتھکنڈے اپنیندا آندے ۔ بھارت میڈیا تے پابندی اتے کشمیری قیادت و انسانی حقوق دے علمبرداروں کوں قید کیتا ہویا اے ۔ اے زیادتیاں اتے انسانی حقوق دی خلاف ورزیاں کہیں توں لُکیاں ہائیاں کائنی بلکہ انہاں دی انسانی حقوق دی تنظیماں دی طرفوں نشاندہی وی تھیندی رہی اے تے اے بین الاقوامی میڈیا اچ وی رپورٹ تھیندن ۔نگران وزیر اعظم آکھیے بھارت دا غیر قانونی طور تے آپݨے زیر تسلط جموں و کشمیراچ 5 اگست 2019 دا اقدام بین الاقوامی قوانین، اقوام متحدہ دے چارٹر، چوتھی جنیوا کنونشن اتے کشمیر توں متعلق اقوام متحدہ دی سلامتی کونسل دی قرارداداں دی کھلم کھلا خلاف ورزی اے۔ انہاں آکھیے جو بھارتی سپریم کورٹ دا غیر قانونی طور تے بھارت دے زیر تسلط جموں و کشمیر دی حیثیت متعلق 11 دسمبر 2023 دا فیصلہ کشمیریاں توں انہاں دے حقِ خود ارادیت کھسݨ دے مذموم اقدامات دے سلسلے دی ہی ھک کڑی اے۔جݙاں ??و کشمیری لوکاں دے اُچے اداریں کوں ملکی سطح تے کیتی ڳئی ایجھی نام نہاد قانون سازی اتے کٹھ پتلی عدالتی فیصلیں توں ہر گز نی دٻایا ونڄ سڳدا ۔انہاں آکھیے ساݙا مطالبہ اے بھارت اقوام متحدہ اتے اسلامی تعاون تنظیم دے غیر جانبدار مبصرین، بین الاقوامی میڈیا اتے انسانی حقوق دی تنظیماں دے نمائندگان کوں کشمیر تئی رسائی ݙیوے تے تاں جو او غیر قانونی طور تے بھارت دے ِ تسلط اچ جموں و کشمیر اچ انسانی حقوق دی خلاف ورزیاں بارے پوری دنیا کوں ݙسا سڳن ۔انہاں آکھیے پاکستان اپݨے کشمیری بھیݨ بھراویں دی مکم?? اخلاقی، سفارتی اتے سیاسی حمایت جاری رکھیسی۔
